ཨོ་རྒྱན་སངས་རྒྱས་གཉིས་པའི་གནས་མཆོག་སྦས་ཡུལ་འབྲས་མོ་ལྗོངས་ཀྱི་བྱང་ཕྱོགས་ཕོ་གདོང་དགོན་ཆེན་དུ། བསྟན་འགྲོ་སྤྱིའི་བདེ་རིམ་ལོ་ལྟར་གྱི་མགོན་སྒྲུབ་དགུ་གཏོར་ཆེན་མོར་ ༸སྐྱབས་རྗེ་འབོ་དཀར་རྡོ་རྗེ་འཆང་གི་ཡང་སྲིད་མཆོག་སྤྲུལ་རིན་པོ་ཆེ་མཆོག་ཚོགས་ཀྱི་དབུར་ཞབས་སོར་འཁོད་པ་དང་། མགོན་པོ་གང་གི་ཡབ་གཞིས་སོགས་འཁྲུངས་ཡུལ་ལྷ་སྡེ་མི་སྡེ་ཀུན་གྱི་མཆོད་གནས་སུ་གྱུར་པ། ཕོ་གདོང་དགོན་ཆེན་དུ་རྟེན་འབྲེལ་ཆོས་ཀྱི་སྒོ་མོ་དབྱེ་བའི་ཕྱིར། ཇི་ལྟར་གསོལ་བ་བཏབས་པ་བཞིན་གནམ་གང་ཉིན་སེར་སྐྱ་སྟོང་ཕྲག་མང་པོར། ཆོས་འཁོར་ཐོག་མ་གྲུབ་རྒྱལ་ཚེ་དབང་ཟབ་མོ་བཀའ་དྲིན་ཆེ་གནང་མཛད་ཡོད་པ་དང་། དེ་རིང་བོད་ཚེས་གཅིག་ཉིན་སྔ་དྲོ་ཕོ་གདོང་དགོན་ཆེན་དུ་འབྲས་ལྗོངས་ལོ་སྲུང་གི་མཛད་སྒོ་དབུ་བཞུགས་དང་། དེ་རྗེས་ཕོ་གདོང་སྒྲུབ་སྡེ་ངེས་དོན་དགའ་ཚལ་གླིང་དུ་ཆིབ་བསྒྱུར་གནང་བ་བཅས་ད་རེས་འབྲས་ལྗོངས་ཁུལ་གྱི་མཛད་ཕྲིན་ཁག་རེ་ཞིག་གྲུབ་གནང་ཡོད་པ་རེད